Эрсий театро ший керда болх гойтар худсоветá
ГIалгIайчен эрсий паччахьалкхен ашарий-драматически театро керда болх гойтар - цIихезача эрсий поэта, прозаика Некрасов Николая кхолламах оттаяь водевиль. Хьалххе а цунга хьажар хилар мехка культуран, туризма Министерствонна чуйоагIача исбахьален совета кхетаче йолаш. Совета доакъашхой таро хилар театра кердача балхага хьажа, яхаш, дийцар «Сердало» газетага культуран министерствон зарбан болх лелабераша.
«Исбахьален совет лакха мах оттабир кердача балхá. Артистий лакха говзал хиларах, спектакль исбахьален оагIарахьа кийчъяь хиларах раьза хилар кхелахой. Хьежачул тIехьагIа, гуш хилар, театра керда болх керттерча репертуара тIехьара тIа дола дакъа хила таро йолаш болга», - аьлар хоамо.
Спектакль дика дIачуяларо никъ хьабелл аргIанарча даькъ тIа - премьера гойтара, иштта нахаца кхетаче яра. ГIалгIайчен эрсий паччахьалкхен ашарий - драматически театро дIахо дIахьу мехка культуран вахар; керда, дика балхаш деш.
