Эрсий театро «БӀаьшерен боадонгара» яхача спектаклага хьажа бех
ГӀалгӀайчен паччахьалкхен ашарий-драматически театро, «БӀаьшерен боадонгара» яхача спектаклага хьажа бех искусттво дукха езараш. Цига веначун таро хургья Базорканаькъан Идриса яздаьча, Поглазов Владимира оттадаьча романага хьажа.
«БӀаьшерен боадонгара» яха спектакль-театральни искусство езарашта лаьрхӀа дола дика совгӀат да. Цунга хьожар кхоачаву гаьнарча вахарга, дунен тӀа ше хьакхоллара йола уйла яйташ а да из. Цу ханашка хиннача вахара хьал дика довзийт йовхьамаш ловзаераша. Цар иштта дика из гойташ хиларах, хьажархой дегах гӀолла юха чакхдоал дӀаяхача хана хиннар, Базорканаькъан Идриса ший романа тӀа яздаьр», - аьлар «Сердало» газетага ГӀалгӀайчен культуран Министерствон зарбан болх лелабераша.
«БӀаьшерен боадонгара» яха спектакль - из дега салоӀам баь Ӏац, цо бовзийт хӀаранена ше хьаваьнна овла, ше дунен тӀа хьакхоллара маӀан.
Спектакль гойтаргья ГӀалгӀайчен эрсий театре шин дийнахьа - кӀимарса бетта 26,28 деношка. Кагирхой таро я Пушкински картага гӀолла театре баха.
