Магасе эрсий мотт Ӏомабу, кхыча паччахьалкхенашкарча наха
ГӀалгӀай Республикан лоӀамхой лоадама центра даькъ тӀа дӀайихьар кхыча паччахьалкхен бахархошта эрсий мотт Ӏомабеш дола дешар, яхаш, дийцар «Сердало» газетага мехкарча миннаце.
«Из лоархӀаме дешар дӀадихьар дукха ха йоацаш, эрсий метта ди долаш. Цига дакъа лоацаш хилар таджикий, узбекий, гӀуозлой, гуржий викалаш», - аьлар хоамо.
Дешар дӀахьош хинначо дийцар ладувгӀарашта, эрсий меттала деш дола къамаьл мишта хила деза, царна цу даькъ тӀа халонаш нийслургйоаца оагӀонаш белгал а еш. Мехка бахархошца, хьаьшашца цар къамаьл дикагӀа хотталургдола никъ хьалхабаьккхар.
Мотт харо, культура йовзаш хиларо аттача доаккх, Россе моллагӀча моттигера вахар.
Дешар дӀахьош, иштта терко тӀаяхийтар Россе бахача наьха шоайла хила дезача къамаьла, цу къамаьла бокъонашта, юкъарча моттигашка уж мишта хила беза чу а лоацаш.
