Илдарха-ГӀалий тӀара базар дӀакъовлаш я, цхьацца кхоачамбоацараш бахьан долаш
«Ӏалама беркат» яхача Илдарха-ГӀалий тӀарча базара хьал малагӀча боараме да тохкаш, хилар шахьарера прокуратура. «Сердалога» из хоам бир Ӏаьдала болхлоша.
«ДӀабихьача тохкамо гучадаьккхар, цу моттигера тока саьргаш бокъо йоацача тайпара дӀа-хьа тийса долга, цӀи яьнна хатар хилча, нах арабовргбола моттиг къоастаяьяц, тховнах теха йоахка сиха йоагаш йола хӀамаш цӀерцара кхерамзлен хьал лорадара тӀехьа тоаяь, боаггӀаш бола болх дӀабихьа яц.
Иштта кхыдола кхоачамбоацараш а да цига теркалдаь», - йоах тхогарча хоамо. Базара доазон тӀа лораде дезараш цхьаккха тайпара теркаме лаьца доацилга бӀаргадайра, тохкам беш хиннарашта. Из бахьан долаш, базара даьна 15 000 эзар сом гӀод техар, цунна духьала гӀулакх хьадийллад. Уж деррига кхоачамбоацараш дӀадаххалца базар дӀакъовлар дехаш, лоткъам чубеннаб цигарча кхален суде.
