«Халкъа хьаькъал» яха антологи довза йиш я ГIалгIайчен къаман библиотеке
С антологией «Народная мудрость», ставшей продолжением уникальной серии жанровых антологий «Современная литература народов России», могут теперь познакомиться пользователи Национальной библиотеки Ингушетии им. Джемалдина Яндиева. Для многих это станет увлекательным открытием целого пласта культуры.
«Таханарча Россе халкъа литература антологеш арадаларо проект дӀайолаелар 2016 ча шера, къаман литература хьаллацара йола паччахьалкхен проекта чудоагӀаш. ДӀадахача шера Москве арадаьлар российски халкъий оаламий, куцей ялхлагӀа кинижка. Цу чу доагӀа 65 къаман меттала дола оаламий, куцей дувцарий йоазош, иштта царна эрсий меттала даь таржамаш. Царех цхьаццадараш хьалхара арадоалаш да. ГӀалгӀай оаламашта, кицашта хетадаь лоацо дувц литература говзанчас Ноакастой Хаважа. Авторо цу тӀа белгалду, гӀалгӀай халкъа багахбувцам мишта тохкаш, башхаш хьабенаб, хьаькъалера дувцараш мишта гулдаьд наха юкъе», — аьлар «Сердало» газетага ГӀалгӀайчен Къаман библиотеке.
Цунна шеко а йоацаш безам тӀагӀоргба наьха. Къаьстта «Халкъа хьаькъал» яхачачунна. Халкъа хьаькъалерча дувцарашта массаза а наьха безам тӀабодаш хиннаб, ноахалгара хьаькъале вахара моттигаш хьаэцаш, эхь-эздела боарамаш довзийташ да из моллагӀча къаман а.
Багахбуцамашка, кицашка я мах баь варгвоаца культурни, исторически Россе халкъа тӀехьле.
