Дешара шу доладаларца; даькъалабийцар МагӀалбикера студенташ, дешархой цигарча артисташа
Дешара шу дӀадолалуш дола ди ший тайпара боча да берий, цар даьй, ноаной дегашта. МагӀалбика кхалерча дешара моттигашка массане дегаш ураоттадеш йола кхетаченаш дӀакхихьар шахьарерча культуран Двореца болхлоша.
«Культуран Двореце къахьегаш болча артисташа дешара шу дӀадоладераш даькъала бувцаш тайп-тайпара кхетаченаш дӀакхихьар Чахкенаькъан СаӀида цӀерах йолча гимназе, МагӀалбикерча № 18, Дола-Коарча № 7 йолча ишколашка, Къилбаседа Кавказа колледже. Концертни программанна юкъе дукха номераш яр. Халхабувлаш, иллеш оалаш; бар артисташ. Къаьстта йоккха терко йир хьалхарча классе деша болхарашта», - дийцар «Сердалога» из кхетаче вӀашагӀъеллараша.
Дешара шу доладалар дездар МагӀалбике Ӏадат хинна дӀаэттад. Шахьарерча культуран Двореца болхлоша къахьег, дешара шу доладалара хьалхара ди массане дег чу дусаргдолаш. Тахан ишколе дӀачубаьннарий дешарцара безам чӀоагӀбара тӀехьа къахьегаш хила беза боккхагӀбараш. Къаьстта терко лоаттае еза ишколе тахан эггара хьалхара ког дӀачубаьккхарашта. Дешарцара лерхӀам лакха болаш дӀаболабалар, лоархӀаме да берашта.
