2025-гӀа шу доладелча денз, 193 цӀи яьнна моттиг хиннай вай мехка
15.07.2025 14:22
МагӀалбика кхала цӀерцара хатараш эггара дукхагӀа даржаш йола моттиг яр хӀанзолца, хӀаьта тахан ерригача региона хьал да кхераме, тешам боацаш. МЧС болхлой ба из хӀама теркалдераш.
«Ер шу доладелча денз, 193 цӀерцара хатар хиннад мехка. ХӀаьта цӀераш ювлара эггара дукхагӀа нийслуш дола бахьан - йокъаенна баьцаш летаяр. Бахархошка кхайкарал ду оаха, боккъал а ма летае ара кхорзаденна денош латтача хана цӀераш, нагахьа оашош цӀи йийзаяле, хьалххе хий кийчде, цӀи дӀа-хьа яржаш хуле тохаргдолаш, цӀи яьга яллалца юхера дӀа ма аха боккъал а! Оашош цӀи лотаяь хиннача моттиге хий ӀотӀатоха, цхьа ха яьлча юха лоталургйоацаш, михо цӀера сийгаш дӀа-хьа кхухьаргдоацаш», - йоах МЧС.
