Мехкарча берашта довзийт фаьлгий дуне
Шолжа кхален культуран цӀагӀарча «Наьна мотт» яхача литературах, меттах йолча кружоке, Яражанаькъан Маринас кулгал деш, кхетаче дӀайихьар. Тамашийна дола фаьлгий дуне довзийтар цига берашта.
«Кхетачен керттера декхар - кхувш латтача вай тӀехьенна къаман фаьлгаш довзийтар, царцара безам чӀоагӀбар. Гаьнарча бӀаьшерашкара никъ бахьаш, кхаьчад вайга тахан къаман фаьлгаш. ТӀехьенгара тӀехьенга кхоачаш, хӀара дезале дувцаш хиннад уж. Эггара хьалхара фаьлгаш ноаношкара, боккхача нахагара хезад вайна, тӀаккха дӀахо книжкаш тӀара дайзад», - дийцар «Сердалога» Яражанаькъан Маринас. Хоза язбаь фаьлг массане дег чу бужаш хул.
Бераша хеттар; массадолча фаьлгашка дикал-вол котъялар мишта хул, яхаш. Кхетаче хьалхадаьккхар, фаьлгаша бераш къахетаме, дика, безаме хила Ӏомаделга, дуккха дикаш довзийталга.
«Наьна мотт» яха кружок боккха пайда боаржабеш я тахан. Берашта къаман культура, истори довзийташ, тайп-тайпарча оагӀонашцара цар кхетам лакхбеш, къахьег цига. Беркате, кӀоарга чулоацам болаш оттадаь фаьлгаш вайга ноаношкара, даьшкара кхаьчад; хӀаьта царга кхачале а, шоай бӀаьха никъ бахьаш хьадоагӀаш да уж.
