Эбарга-Юртарча бахархошта юкъера, болхлой лохаш я «Сомий беш-Гигант»
20.05.2025 09:30
Эбарга-Юрта болхлой лохаш я «Сомий беш-Гигант» тахан. Цигарча бахархошца кхетаче дӀахьош хилар цу оагӀон болхлой укх деношка. «Сердалога» из хоам бир Шолжа кхален администраце хоамий оагӀонна кулгал деча ЦӀечой Беслана.
«Цу моттига кулгал деча Ӏаьленаькъан Ислама дийцар, къахьега безам барашта цига тайп-тайпара аьттув болга, 60-70 эзарга кхоачаш алапи а лулга. Цул совгӀа, балха хьаухаш доагадаьча бензинах дар а меттаоттаду цига, 30 сом дала мара ца дезаш, бӀайха кхача а ба ханнахьа», - йоах тхогарча хоамо.
Бахархой раьза болаш, кхетаче хилар цох. Белгалде деза, хьаде хӀама дац, болх бац яхарашта из геттара дика аьттув болга.
