Шали яхача шахьар тӏа дӏайихьача ерригача Россе яхьашка белгалваьлар вай самбист
09.09.2025 16:09
Шале дӏайихьача яхьашка ший низ, говзал гойташ хилар вай мехкара спортсмен Цӏечой ӏалихан. Из хоам «Сердалога» бир цу оагӏонцарча болхлоша.
«Нохчий мехка дӏайихьача яхьашка спортсмен санна, тренер волаш а къахьийгар вай мехкахочо, къонабарашта цхьацца хьалхадоаккхаш. Яндарерча «Чемпион» яхача ФОКера вахавар цига ӏалихан. Укх бетта 6-ча денгара 9-ча денга кхаччалца; ший низ, говзал дӏахьокхаш, керда нах бовзаш, ше ӏомадаь гӏулакх шаьрдеш къахьийгар цо», - йоах тха газетага бенача хоамо.
