Илдарха-ГӀалан самбисташа дика толам баьккхар Нохчий Республике
Илдарха-ГӀалий тӀарча самбисташа дика толам баьккхар Нохчий Республике дӀахьош хиннача Ерригроссийски яхьашка, яхаш, дийцар «Сердало» газетага шахьара администраце.
«Кхаь дийнахьа вай мехкахой хилар Шали яхача шахьар тӀарча яхьашка дакъа лоацаш. Цига гуш хилар дикагӀчарех бола латархой: Озанаькъан Мухьмад (26 кг), Ӏоахарганаькъан Ахьмад (23 кг), Оздой Мухьмад-Амин (49 кг), Оздой Адам (32 кг), Ростмаев Ӏаддал-Керма (31 кг), Осканаькъан Руслан (38 кг), Чахкенаькъан Билал (50 кг). Цар хьалхара моттигаш яьхар.
Дотув даьккхар Чуранаькъан Мухьаммада, Ӏоахарганаькъан Ахьмада, ЦӀечой Руслана, Пхьиленаькъан Ӏаддала, Чахкенаькъан Хабиба.
КхоалагӀа моттиг яьккхар Ростмаев Сайфулас, Ахкилганаькъан Мусас, Чахкенаькъан Алима, Хазанаькъан СаӀида, Куштанаькъан ИбрахӀима, Хамхой Мухьмада, Кхорахой Ӏаддал-Рахьмана, Шовхаланаькъан Мухьаммада», - йоах хоамо.
Иштта Илдарха-ГӀалан спортсменаша кхоалагӀа моттиг яьккхар тоабай юкъарча къовсаме.
Белгалду, къона самбисташ Ӏомалуш ба; Чахкенаькъан ИбрахӀима, ИсмаӀала кулгал деш.
