«МВД къахьегамхоша соцам баь дӀайихьача кхетаче белгалдир, шахьарерча кхаьч-кхаьчача моттигашка цхьацца хӀама йохка Ӏоувттара гӀулакх, нах гулбеннача бокъо йоацараш, кхерамзленца дувзаденнараш леладар хоададе дезилга», - йоах хоамо.

КадыровгӀар цӀерах йолча аллее, гӀала ягӀача доазон тӀа Ӏаьдало бокъо луш доаца гӀулакхаш доаржадар геттара харцахьа долга хьоахадир. Бахархошта новкъарле еш, хьатӀаихача хьаьшаша воча оагӀорахьа зувргдолаш хӀама да из. Берашта лаьрхӀача доазон тӀара кхераме лоархӀаш йола хӀамаш дӀаяха езаш ворхӀ моттиг я шахьаре.

Иштта теркалдир, шахьаре самокаташ хехкаш лелараша наькъашкара бокъонаш теркал ца елга, из бахьан долаш доккха хатар хила йиш йолга. Самокаташта лаьрхӀа моттиг нах болчара гаьна, юстара хилийта аьнна соцам бир, цул совгӀа, сов масса уж хехкаргйоацаш а болх дӀабахьа лаьрхӀар.