ГӏалгӀайчен кагирхоша толам баьккхар эллиной-румий латарах
Эллиной-румий латарах йолча СКФО Хьалхале яккхара яхьий чаккхе еш, ГӏалгӀайчен спортсменаша вай республиканна 10 майдилг ера, уж тайп-тайпара боарамаш долаш я, аьлар «Сердало» газетага мехка спортивни латара Федераце.
«300 совгӀа 16 шу даьнна спортсмен вар Махачкале дӀахьош хиннача яхьашка дакъа лоацаш. Йовлой Ӏаддал-Малик (35 кг) цаӀ мара вацар гӀалгӀай тоабанна юкъе толашагӀа йола моттиг яьккха. Овшанаькъан Хьамзата, Къоастой ИбрахӀима, Бӏарахой Мухьмада, НогӀойнаькъан Абабукара шоллагӀа моттигаш яьхар. КхоалагӀа моттигаш яьхар Белхарой Адама, Йовлой Бадрудина, Налганаькъан Халита, Бохтаранаькъан Ӏумареи ИбрахӀимеи», - йоах хоамо.
Белгалду, котбаьннараш вӀашагӀтехача тоабанна юкъебоагӀаш хургба, кхы а йоккхагӀча яхьашка дакъа лоацаргда цар.
