Вай боксёраша толам баьккхар, Ставрополе дӏахьош хиннача яхьашка
Гӏалгӏайчен бокса тоабо дика дакъа лаьцар Ставропола лаьтта дӏахьош хиннача яхьашка, яхаш, дийцар «Сердало» газетага Гӏалгӏай Республикан спорта Министерствон зарбан болх лелабеча Гӏаппархой Аишас.
«Кердача шерара бокса йийлла яхь дӏайихьар, тайп-тайпара ха яьннача спортсменашта юкъе. Вай гулъяьча тоабо 21 дошо, 2 дото майдилг яьккхар.
8-9 шу даьннача спортсменашта юкъе лакхагӏа долча лагӏа тӏа ваьлар Пхьарчанаькъан Iимран (24 кг), Марзенаькъан Мухьмад-ӏаьла (26 кг), Тоачанаькъан Хьабибула (28 кг), Чуранаькъан Iаддал-Малик (34 кг).
10-11 шу даьннача тӏоарска кулгахйоаллорга говзанчашта юкъе котало яьккхараш бар Янданаькъан Iаддал-Рахьим (30 кг), Меданаькъан Ваха (34 кг), Шауланаькъан Або-Бакар (36 кг), Жандаранаькъан Рамзан (44 кг).
12-13 шу даьннарашта юкъе «дошо» совгӏаташ дера Мутаӏаланаькъан Мухьмад-Басира (34 кг), Цӏечой Iадрахьмана (36 кг), Котаганаькъан Мухьмад-Амина (38 кг), Тутайнаькъан Мухьмад- Амина (46 кг)»,- йоах хоамо.
Цул совгӏа, Ставрополе белгалбаьннарех бар 2010-2011 шера баь спортсменаш: Овшанаькъан Адам (46 кг), Муцолганаькъан Iаддал-Малик (44 кг), Жандаранаькъан Ахьмад (48 кг), Бераханаькъан Исмаӏал (54 кг), Дарсиганаькъан Сулейман (57 кг), Вешкаранаькъан Ибрахӏим (60 кг), Дидиганаькъан Хьамзат (63 кг), Жандаранаькъан ӏаддал-Хьамид (70 кг), Буражанаькъан Жабраил (80 кг).
Шоллагӏа моттиг яьккхар Татренаькъан Адама (52 кг), Янданаькъан Османа (66 кг).
