Вай боксёраша дика дакъа лаьцар Симферополерча яхьашка
Ерригроссийски яхьашка дакъа лоацаш хилар вай ши спортсмен. Уж яхьаш хетаяь яр боксёрашта-говзанчашта юкъе Европа шозза чемпион хиннача Педро Саэса Бенедиктона, яхаш, дийцар «Сердало» газетага спорта зарбан болх лелабераша.
«Пхе дийнахьа яхьашка баьлар 24 моттигера баьхка хинна тӀоарска кулгахйоаллорга говзанчаш. НачӀал дола ГӀалгӀайчен бокса ишколе Ӏомалуш вола спортсмен Пхьиленаькъан Рахьим латаш вар Къаршой-Черсий Республикан, иштта Ханты-Мансийский автономни округа спортсменашца, бакъда хьалхале йихьар ГӀирмерча спортсмена. Цудухьа вай боксёра кхаьчар дотув, 80 кг дозал дарашта юкъе.
Обиев Хьусен белгалваьлар Белгородски областерча спортсменаца латаш, бакъда ахфинале цунгара хьалхале йихьар Самарски областерча спортсмена. Цу тайпара, цунна делар боарза совгӀат, 67кг дозал дарашца латарашта юкъе», - аьлар тхога хоам баьчо.
