«ДӀадахача деношка 140 совгӀа 2010-2011-ча шерашка ваь спортсмен гулвир Донбайс ший доазон тӀа. Лакхерча лагӀа тӀа баьлар Фаьрганаькъан Хьамзат (48 кг), ЦӀечой Або-Муслим (54 кг). Дотув даьккхараш ба Гарданаькъан Мансур (40 кг), Мужахой Ӏаддал-Рахьим (46 кг), Говрой ИбрахӀим (50 кг), Албохчанаькъан Мухьмад (90 кг).

КхоалагӀча лагӀа тӀа баьлар Бесайнаькъан Акроман (42 кг), Ноакастхой Ислам (50 кг), Овшанаькъан Ӏабдуллахь (52 кг), Бузуртанаькъан Идрис (63 кг), Дзейтанаькъан Накир (66 кг), Буражанаькъан Джабраил (80 кг). Царна хьийха тренераш ба Дарсиганаькъан Або, Булгучанаькъан Мухьмад, Овшанаькъан Ваха, Джандаранаькъан Ахьмад, Садакъанаькъан Мустафа, Исмейланаькъан Мухьмад, Брондуков Рустам, Оздой Аслан, Мужахой Рустам, Зангенаькъан Абукар», - йоах тхога кхаьчача хоамо.

«Дикача оагӀорахьа дӀахьекхар шоаш вай латархоша. Гуш да, хьехамчаша царца дика къахьийга хилар. Лакха начӀал дола спортсменаш ба хьалъотташ латтараш. Дог тийша ва со, вай къаман байракх цар кхы а дуккхача яхьашка айяйтаргхиларах», - аьлар уж кийчбаьча Дарсиганаькъан Абос.