Эллиной-румий латарах йолча тоабо Суздалерча яхьашка дакъа лаьцар
ГӀалгӀай Республикан эллиной-румий латарах йолча гулъяьча тоабо дика дакъа лаьцар Россе хьалхале йоаккхача. Вай мехкахой спортивни ганз совйоалаш хилар 3 дото, 2 борза майдилгашца, яхаш, дийцар «Сердало» газетага моттигерча спорта Министерствос.
«ДӀаяхача яхьашка шоай профессиональни говзал гойтар барайтта шу кхачанза волча 500 ондарга. Дукха сатийсача Владимирски областа Суздале дӀахьош хиннача яхьашка вай мехкарча 63 моттигера спортсменаш бар чубоагӀаш», - йоах хоамо.
Бохтаранаькъан Ӏумар (42 кг), иштта «Ади Ахьмад» спортивни клуба шиъ спортсмен: Къоастой Асланбек (51 кг), Налганаькъан Ислам (60 кг) - дото совгӀаташ даьхарех бар.
Налганаькъан Ислама (45 кг кхаччалца), БӀарахой Мухьмада (51 кг) борза совгӀаташ даьхар. Ӏарапханаькъан Ислама, Даниеляна Григоре, Дошхьакхлой Ислама, Къоастой Мухьмада кулгалца кхувш хиннаб уж.
