ГӀалгӀайчен кикбоксингах йолча тоабо дика толамаш даьхар Россе чемпионате
ГӀалгӀай Республикан тоабо кикбоксингах Россе чемпионате маӀача наха юкъе дика толамаш даьхар», - аьлар «Сердало» газетага моттигерча бокса Федераце.
«Из лоархӀаме кхетаче дӀахьош, дика йовзаш йолча «Кузбасс-Арена» спорткомплексе дакъа лоацаш хилар 500 кикбоксёр, уж бар Россе 53 моттигера баьхка.
Программа юкъедоагӀар тайп-тайпарча ялх даькъ тӀа яхьаш дӀаяхьар. ГӀалгӀайчен спортсмен МутаӀаланаькъан Ислам чемпионате котваьлар, 91 кг кхаччалца дозал долча спортсменашца къовсавенна, шозза совле яккхарах.
Колой Ислама боарза майдилг яьккхар, 63,5 кг дозал дарашца яхьеваьнна. Цхьаькха совгӀат даьккхар вай мехкахоша цу яхьашта чудоагӀаш Чопанаькъан Сулеймас, из яхьеваьлар 54 кг дозал дарашца», - аьлар тха газетага.
Белгалду, яхьашка котбаьннараш, совгӀаташ даьхараш Ӏомалуш ба Тутайнаькъан Адама, Ӏалбаканаькъан Мухьмада, Чопанаькъан Руслана хьехамца.
