Гӏалгӏайчен тхэквондох йола гулъяь тоаба къовсаелар Серберча Халкъашта юкъерча яхье
Гӏалгӏай Республикан тхэквондох йола тоаба дика дакъа лоацаш хилар, Халкъашта юкъерча Сербе дӏайихьача яхье. Цу яхьашка вай мехкахоша шиъ майдилг яьккхар тайп-тайпарча даькъошка, яхаш, дийцар «Сердало» газетага Гӏалгӏай Республикан спорта Министерствон зарбан болх лелабераша.
«Мутаӏаланаькъан Ӏаддал-Малика Турце шин спортсменагара котало яьккхар, Болгарерча кхаь спортсменагара а, иштта цаӏ Россе тхэквондистагара. Хидиранаькъан Абу-Малика Ниш-Шахьаре дӏахьош хинна яхьаш белгалъяьлар дото совгӏат даларца. Цо Турцера, Грецера баьхкача викалашца диазза латар дӏадихьар», - аьлар хоамо.
Цига даьха совгӏаташ бахьан долаш, вай мехкахой Европа Хьалхале йоаккхача яхье баха оттабир.
Тхоца къамаьл даьчо яхачох, спортсменаш кийчбаьб Къамурзой Ахьмада, Гаьгенаькъан Мухьмада, Меданаькъан Ахьмада, Къамурзой Абдулахь-Усама.
