Дешархошта ший балхах дийцар «Сердало» газета шеф-редактора
Эккажкъонгий-Юртарча № 5 йолча ишкола дешархошца кхетаче хилар «Сердало» газета шеф-редактор волча Курскенаькъан ИбрахӀима. ВӀашагӀкхетар хетадаь дар Россе кепайоазон Денна. Из хоам газета корреспондентага бир «Хьалхарчар болам» яхача оагӀон зарбан болх лелабераша.
«20 шу совгӀа ха я Курскенаькъан ИбрахӀим журналистике къахьегаш вола. Доккха начӀал долча журналиста берашта дийцар Къилбаседа Кавказе эггара къаьнагӀа лоархӀаш долча «Сердало» газета хьабенача наькъах, тахан «Сердало» яхача Кепайоазон цӀен тоабо дӀахьоча балхах, ше малхаяьхача проектех, иштта кхыдарех», - йоах хоамо. Дешархошта дайзар, тахан латтача хана кепайоазоно вай вайхаре малагӀа моттиг дӀалоац.
Курскенаькъан ИбрахӀима кхувш латтарашта хьалхадаьккхар кепайоазоно къаман вахарера кердадараш, кхычахьара хувцамаш довзийтилга, цо массахана нахаца бувзам лоаттабелга.
