МагIалбикера моастагIа араваьккха 80 шу дизад
В сквере памяти и славы г. Малгобек прошел митинг, посвященный 80-летию освобождения города от немецко-фашистских захватчиков. В мероприятии приняли участие и. о. Председателя Правительства Ингушетии Магомед Евлоев, глава города Мусса Галаев, депутаты Народного собрания республики, депутаты Малгобекского горсовета, поисковики, юнармейцы, жители города.
Вай вIашагIтехар, цу ханарча бирсача деношка моастагIчун наькъаш тедаш, шоай низах уж бохабеш, лаьттача наьха лерхIам ба. БIухоша шоай синош Iодийхкад, фашисташта кара вай лаьтташ ца кхачийта гIерташ. Вай дегашка даиман яха еза цар цIераш! ЦIаккха а хам баь варгвоаца хало я ветеранаша лайнар. Иразе, маьрша дахалда шо, хьамсарча МагIалбикера нах! Аьттув болаш хилда шун наькъаш» , — аьлар ший къамаьла юкъе Йовлой Мухьмада. Горсовета кулгал деча Йовлой У. белгалдир, таханара тIехье ший даьй истори довзаш, сийдолча къонгий цIераш лоархIаш, нийсача хIаман тIехьа цар мел лайна хало, Iазап дег чу леладеш я, аьнна. ТIема деноех дисараш лохаш йолча тоабан кулгал деш волча Сардаланаькъан Iийсас, кагирхошка къамаьл деш, аьлар: бирсача фашисто лаьрхIар дохадеш, укх лаьтташкара цун лар хоадаеш, лаьттараш бицбе бокъо яц вайх цхьанне а! Шахьара мэр волча Галай Мусайна цо елар «Кавказе лаьттача тIема 80 шу» яха мейдилг, тIема ханашка дисараш лехача тоабан юкъе къахьегача Муружанаькъан Мухьмадаи Эгинаькъан Батыраи, РФ юкъарлен палатагара баркал оалаш, каьхаташ делар.
