Тахан республике хоама цӀогӀа декаргда
05.03.2025 09:16
Тахан, бӀаьстан хьалхарча бетта 5-ча дийнахьа, массайолча моттигашка хоама цӀогӀа декаргда, адамашка хоам бар мишта латт хьожаш. Цох тха газетага дийцар МЧС.
Токаца болх бу цӀогӀадеттаргаш, къамаьл чӀоагӀа дӀахозийтараш юкъейоалаеш, иштта телевидене, радио гӀолла дӀахьоргба из болх. Ерригача Россе моттигашка дӀахьош ба, моллагӀа хатар ийккха хӀама хуле, нахага хоам бе безача оагӀон болхлой мел кийча ба тохкаш бола из болх. Из гӀулакх хӀара шера шозза дӀахьош да.
«Цу хӀаман керттера декхар - «ЛадувгӀа массане!» яха моллагӀа доккха хатар хилча беш бола хоам массанена ханнахьа дӀахазийтар», - дийцар республикерча МЧС ГУ.
