Илдарха-Гӏалий тӏарча цхьацца йолча моттигашка ток хургьяц тахан
18.09.2025 10:02
Цхьацца йолча моттигашкара ток дӏайоаергья тахан шахьаре. Тока оагӏон къахьегамхой шоай болх чакхбаьккха баллалца, аьнна, дӏайоаяьй ток. Из хоам «Сердалога» бир мэре зарбан болх лелабеча Карахой Мурада.
«ӏуйран 10 сахьатагара сайран пхи сахьат даллалца хургьяц ток. Кирова оалача урам тӏа тока оагӏонцара балхаш дӏахьош хургба цига. Луговой оалача урам тӏа, цӏермашиннаькъа доазон тӏарча цхьайолча моттигашка а хургьяц ток», - дийцар администраце.
