Юртарча ишкола куц тоадир «Кагирхойи бераши» яхача проекто
Яндарерча №3 йолча ишкола куц эргадоаккхаш хилар «Кагирхойи бераши» яха къаман проект. Геттара хоза тоаяь Ӏооттаяь ишкол, берий дог хьоасташ хургья. Дукха хӀама да ишколе даьр. Керда гӀирсаш оттадеш, массайолча оагӀонцара тока саьргаш хувцаш, тӀера куц тоадеш, хӀара кабинете хувцамаш деш баьхкар цига. Видеогойтам, моллагӀа хатар ийккхача хоам беш бола гӀирс оттабаьб ишколе.
«450 бер, 22 хьехархо волаш я ишкол. Берашта эшаш мел бола кхоачам ба цига. Спорта лаьрхӀа зал дӀахо кхы а балхаш де дезаш я, хӀаьта а дешархой тӀаэца кийча я ишкол», - дийцар «Сердалога» мехкарча Паччахьалкхен болхлоша.
ГӀишлошъяра балхех йолча Министерствос тӀадилла, дӀахьош бар из болх. Белгалде деза, укх шера вай мехка ялх ишкол, шиъ берий беш тоаеш болх чакхбаьккхалга. ТӀадоагӀача шера де лерхӀараш а кӀезига дац. МагӀалбикера Чахкенаькъан СаӀида цӀерах йола гимнази, йиъ берий беш тоаеш болх дӀахьоргба мехка, Дала аьннадале.
