СВО бӀухой дезал дакъа лоацаш ба, Кареле гӀолла цӀермашинаца беча наькъа юкъе
ГӏалгӀайчера ЛаьрххӀача тӀема операце бӀухой дакъа лоацаш ба, вахара-денала «Тхоайвар Ӏокхоссац» яхача, проекта чуйоагӀаш вӀашагӀъеллача, Кареле гӀолла йодача цӀермашина туре, яхаш, хоам бу «Сердало» газетага «Даьхен лорбой» ганза филиале.
«Вай мехка тайп-тайпарча моттигашка цӀермашин-отелаца никъ бе таро хилар, бераш а цар даьй а болаш, пхе сага. Россе шахьарашка гӀолла пхе дийнахьа лелара лаьрхӀа я культуран-салаӀара, гонахьара хьал довзара йола программа. ЛаьрххӀача операце дакъа лоацаш болча бӀухой гаргара нах экскурсешка ухийт, царна иштта лу говзанчий хьехамаш, кхыйола кхоллама программаш гойт, царга гӀолла йовзийт кхыча къамий культураш»,-аьлар хоамо.
«Даьхен лорбой» ганза кулгалхочун юкъарлонца бувзам лелабара гӀончас Джанхотанаькъан Мадинас баьча хоамах, карарча шера ялх наькъ тӀа 12 рейс ергья. Из кхетаче хьаллоацаш я иштта «РЖД Тур» яха компани, Россе Герзашцарча низий Министерство, «РЖД» ОАО.
«Хоза а хеташ наькъа яьлар со Кареле яха, баркал а оал аз из таро сайна яларах. Сона а, са берашта а из доккха совгӀат да», - аьлар проекта цхьан доакъашхочо Овшанаькъан ПаьтӀамата.
