Прокурорашта тӀабаха хилар, вай мехкарча СВО доакъашхой дезалаш
Бахархой тӀаийбеча дийнахьа; Магаса, Наьсарен прокурорашта тӀабаха хилар вай мехкарча СВО бӀухой дезалаш. Из хоам «Сердалога» бир «Даьхен лорбой» яхача ганза болхло йолча Джанхотанаькъан Мадинас.
«БӀухой цӀагӀарча наха гӀо де гулбелар Магаса прокурор Шаденаькъан Беслан, Наьсарера прокурор Чербажанаькъан ИбрахӀим, иштта ганза моттигерча филиала хьалха латта Оздой Муслим.
Бахархошта эггара къувлаш хиннарех дар лаьтташ даларца, бӀухошта доагӀача ахчанца, дарба дарца, пенсеца, берий пособеца дувзаденнараш, иштта керттерчарех дар де доацаш байна бӀухой хьалахара гӀулакх. Прокурорашца хиннача кхетаче шоашта дага мел доаллар дувца аьттув хилар наьха», - йоах тхогарча хоамо.
Оздой Муслима белгалдир, Ӏаьдала болхлошца массахана бувзаме болаш, из болх дӀакхахьаро дуккхадараш дикка аттачахьа доахилга. СВО доакъашхой бокъонаш лораяра тӀехьа дӀакхухьаш лоархӀаме болх ба из.
