Из дагаехар филологически факультета студенташ бар, царех дукхагӀчар шоашта ховш дар декъаргда дешархошца, дипломаш хьаийцачул тӀехьагӀа.

«Вуза дешархоша лоархӀ; эрсий мотт боккъонца дола совгӀат да, аьнна. Кхетаче дӀахьош доакъашхоша юкъедоаладир Ӏилма, исбахьален, исторически литература; цу книжкай масалца Россе бахархой метта керттера хьал довзийтара. Цига кертте лаьттараша белгалдир, шоайла къамаьл деш гӀо даь ца Ӏеш, метто сага кхетам совбоаккхаш хилар, из иштта Ӏаткъаш ба саг лерттӀа дегӀавара, цо хьагойт вай сакхетам хилар», - аьлар ИнгГУ филологически факультета зарбан болх лелабераша.

Эрсий метта кафедра ассистента ГӀулой Аминас яхачох, карарча хана паччахьалкхен мотт Ӏомабара керда хьехам юкъебаккха беза; таханарча заман технологеш, искусственни интеллект, кхоллама декхараш а долаш, историко-культуран оагӀув дикагӀа йовза а кхетае а гӀо дергда цо.

Цу тайпарча хьало таро лу берашта дукхагӀа метта безам тӀабахийта, из кӀоаргагӀа Ӏомабе.