Веннача росгварде бӀухочун дезала автомобиль елар
Укх деношка «Мегаспорт» яхача московски спортивни комплексе, эскара полицен юкъе дзюдох йола Ерригроссийски яхьаш дӀахьош, Росгварде болхлой 15 дезала автомобилий дӀоагӀаш дӀаделар.
Из лоархӀаме моттиг хетаяь яр, Даьхен декхар дизза кхоачашдеш, шоай синош Ӏодаьхкарашта. Дезача совгӀаташца белгалбаьрашта юкъе бар «Беркут-Юг» ОМОНа командира заместитела Тиймарзанаькъан Хьасана дезал а, цун (венначул тӀехьагӀа) елар Российски Федераце Президента Амарах Денала орден, - яхаш, дийцар «Сердало» газетага ГӀалгӀай Республике гӀолла йолча росгварде.
Тхога хоам баьчо яхачох, лаьрххӀа йола операци дӀахьош бейнарий дезалашта совгӀаташ луш кхетаче дӀахьош хиннар вар Российски Федераце къаман гварде эскара керттера хьаким Ершов Владимир, иштта РФ Паччахьалкхен Думан хоамий политикан, хоамий технологей, бувзама политикан Комитета кулгалхо Хинштейн Александр.
