Лоамарча дарбанче могашал меттаоттаеш ба СВО ветерана дезал
16.09.2025 10:09
Тӏема операце ветерана нана, гаргара саг Жӏайрахьа кхален дарбанче ӏобувшабаь дарба дергдолаш, гӏулакх вӏаштӏехьадаьккхар «Даьхен лорабой» яхача ганза мехкарча филиала болхлоша.
«СВО ветеран волча Батажанаькъан Бахьаудина дехар дир, ший нана Батажанаькъан Аминати наьна-йиша ӏарчакханаькъан Зинаидаи дарбанче ӏобувшабе гӏо де, аьнна. Магӏалбике бахаш бола кхалнах Жӏайрахьа кхален дарбанче могашал меттаоттаеш ба. Шоашка хьежача лорашта доккха баркал кхайкадеш, чӏоагӏа раьза болаш ба уж», - дийцар тха газетага.
