Россе яхьашка вай мохк бовзийташ хургва ялх латархо
13.08.2024 16:32
24 шу даланза болча ондаргашта юкъерча Россе яхьашка, вай республикера дакъа лоацаш ялх спортсмен хургва.Укх бетта 14-ча денгара 18-ча денга кхаччалца, Черсий мехка дӀахьоргья яхьаш. Из хоам «Сердалога» бир спорта гӀулакхех йолча мехкарча министерствос.
«Йоккхача программанна юкъе дакъа лоацаш хургва Имагожанаькъан Аласхан (61 кг), Налганаькъан Анзор (92 кг), Пхьилекъонгий Ахьмад (79 кг), Янданаькъан Янд (70 кг), Гелисханаькъан Ӏаддал (79 кг), Саккхаланаькъан Ахьмад (92 кг).
ХӀара дийнахьа кийчо еш, тараза тӀа озаш, шо-шоай дозалга хьежжа кхадж тоссаш, финалага кхачале латаш, юххера кот малагӀа воал хьожаш, къахьегаргда спортсменаша», - йоах тхога бенача хоамо.
