Къилбаседа Кавказера полице колледж из болх бовзийташ я
Республикерча дешархошца профориентационни кхетаченаш дIахьош я, Къилбаседа Кавказера полице колледж. МагIалбикерча № 2 йолча ишкола дешархошца вIашагIкхетар хилар цар. Из хоам «Сердалога» бир цу моттигера.
«ЛоархIаме къамаьл дар дешархошца хиннар - малагIа болх хержача бакъахьа ба сага. Колледжа болхлоша берашта белгалдир, професси хоржача хана ше вахача моттиге из мел эшаш я, дIахойодача хана малагIа тайпа гIо деш хургья, цу профессех шийна дийша ваьлча балха ваха моттиг хургйий теркалде дезилга. Деша багIача хана, шоаш дIахо хьоргболча наькъа уйла яь хиннарий хьехамах пайда ийцар дешархоша»,- йоах тхога бенача хоамо.
Иштта кхетаче дийцар колледжа факультетех, деша отташ кхоачашде дезарех, дийша баьлча дIахо хьоргболча наькъах. Колледжа болхлошта баркал аьлар дешархоша, из кхетаче шоашца дIаяхьарах.
