Дешархой наьна мотт хестабеш ба
В Доме культуры сельского поселения Новый Редант прошёл Час родного языка «ГIалгIай меттала детталу са дог», приуроченный к Декаде ингушского языка и литературы. Его главными участниками стали школьники. Подрастающее поколение Ингушетии стремится овладеть всеми богатствами родного языка и литературы.
ГIалгIайчен кхувшйоагIа тIехье шийна могар деш я гIалгIай метта, литературан говзал караерзаеш, цун дика оагIонаш йовзаш. «Тхоай кхетаче оаха тIаерзаяьй берий кхоллам дегIабоалабара, гIалгIай метта хозал, цун кIоаргал царна дIагойтара, республикан истори кIоаргагIа довзийтара, гIалгIай къаман культуран тIехьале царна йитара. Тайп-тайпара декхараш кхоачашдеш, бераша хьагойтар шоай кхоллама говзалаш, гуш хилар царна мишта хов гIалгIай мотт, цар мел терко тIайохийт из кIоаргагIа Iомабара.
Берий терко тIаозаш хиннараш яр хьалхарча хана вай даьша шоай вахаре лелаеш хинна хIамаш, книжкай гойтам, дешархоша шоай кулгашца хьаяь хIамаш», — аьлар «Сердало» газетага Керда Редант яхача юртарча культуран ЦIен кулгалхочо Хоаной Марета.
