Хицара хьал чоалхане латт МагӀалбике
24.07.2025 12:18
МагӀалбика кхален моттигашка тахан а халонаш я, хий хьа ца доагӀаш. Къаьстта чоалхане латт из гӀулакх СоагӀапча, Инаркъе, Дола-Коа. Наха хий тӀакхухьаш, араяьха машинаш лел.
Хин гӀулакхех ЦаӀ волча оператора ма могга къахьег из хьал меттаоттаде гӀерташ, бакъда сов дӀайха денош латтарах, хий юрташка дӀа-юха кхачац», - дийцар «Сердалога» шахьара администраце.
ХӀара Ӏуйран хий хьаэцача моттиге вӀашагӀкхет администраце кулгалхойи хий кхухьаш лелача машиний дайи. Хий эшаш болча нáха администраце дехар чулу, цунга хьежжа, машин дӀайохийт.
Из йоккха хало еш дола гӀулакх МагӀалбика кхален моттигашка хӀара шера ахкан хана отташ да.
