Магаса «Ишкол 21» Москверча халкъашта юкъерча проекташ кхоллача яхье хилар
Магаса «Ишкол 21» оалачо ше гойтар ворхӀлагӀча халкъашта юкъерча «Таьрахьий трансформаце кулгалхой» программироване яхье. Из хоам «Сердало» газетага бир цун викалаша.
Таьрахьашца дувзаденна дешаш кхоачашдара паччахьалкхен бизнес-сектора даькъ тӀа тохкам беча яхьанна карарча шера 11 эзар саг юкъеваьккхав 89 Россе моттигера, иштта 26 мехкара, цу юкъе я Китай, Инди, Иран, Казахстан, Узбекистан.
Вай республика гойтар таьрахьий Академе керттерча дешара доакъашхоша Тоачанаькъан Ахьмада, Муцолганаькъан Мухьмада, Доврбиканаькъан Муслима, Долакханаькъан Кураза. Цар кхоачашдир Москван Паччахьалкхен департаменташкара 20 технологически декхар. Керттера лостамаш дар искусственни интеллект, доккха хоамаш, машина дешар.
Тоаба «Ишкол 21» юкъеяхар яхьа финала, цига котало яккхара яхьебаьлар дикагӀа бола ӀТ - дунен говзанчаш. Академе болхлоша яхачох, из кхетаче тешал деш яр ӀТ даькъ тӀа мехка яхьаш лелае таро йолаш бола болхлой хилара, цар тоаба хьакхелла шин шерал кӀезигагӀа ха яле а.
