«Ишкол 21» дакъа лоацаш я, цхьана беча балха хетаяьча Иннополис оалача шахьара кхетачен юкъе
ГӏалгӀай Республикан таьрахьашца дегӀаахара Академе болхлой дакъа лоацаш ба хургдолчох оттаяьча цхьана беча балха плана хетаяьча сессе. Из еш я Иннополис оалача шахьаре, яхаш, дийцар «Сердало» газетага цу дешара моттига зарбан болх лелабераша.
«Робототехнически даькъ тӀа кердадар кхоллар, малагӏа болх бе ховргдараш дӏадех, малагӏча кепара дӏадахьа деза дешар дийцар гулбеннараша. Уж хаттараш дувцара гулбир цхьан майдан тӀа российски вузий, хьалхале лелаерий-компаней болхлой.
ГӏалгӀайчера цига дакъа лоацаш бар «Ишкол 21» яхача Магасерча Департамента кулгалхо Колой Руслан, иштта таьрахьашца дегӀаахара Академе дешара программай Департамента кулгалхо Окунева Марина», - аьлар хоамо.
Тхоца къамаьл даьчо яхачох, йоккха терко тӀаяхийтар кхетаче таьрахьий, инженерни говзала, иштта дешара, бизнеса бувзам хилара.
Чаккхе еш, цар лаьрхӀар федеральни дешара боарам кердабаккхара Ӏаткъаш хургйола оагӀув кийчъе.
