«Конкурса комиссена хийтар, Беканаькъан Бела «Эстрадан вокала» даькъе дикагӀъяр я, аьнна. Таханарча заман композицега гӀолла къонача иллиалархочо хьагойтар ше кийчо яь хилар, артистизм йолаш, халхар де ховш хилар», - аьлар кепайоазонга хоам баьчо.

Нанас яхачох, Соче из котъяьлар, геттара чӀоагӀа илли алара наькъ тӀа къахьегаш хиларах, иштта цун хьехамчас Хулаганаькъан Артура дика хьехарах.

«Цун нана се хиларах тарра, аз доккхал ду цунна карагӀдаьнначох, из къаьстта ше хьалаьца никъ дӀабахьара тӀакхувш хиларах, цо даьхача толамех. Сона чӀоагӀа лоархӀаме да сай дезалхо кхоллама наькъ тӀа дегӀавоагӀаш хилар гор, даиман цунна уллув хилар. Со дег чура теш, из котало цо дӀахьоргболча боккхача кхоллама наькъ тӀа хургйолча дукхача коталонашта юкъера цаӀ хиларах», - аьлар ГетагӀазанаькъан Ӏайнас.