ГӀалгӀайчен дешархо «Йоккха перемена» яхача яхье ахфинале кхаьчар
Магасерча лицея дешархо Буражанаькъан Раяна «Йоккха перемена» яхача яхье ахфинале кхаьчар, цига яхьашка дакъа лоацаш бар Къилбаседа Кавказа, Малхбоален федеральни даькъ тӀара 8, 9, 10-ча классашкара дешархой. ЛоархӀаме яхьаш дӀахьош яр, «Смена» яхача Ерригроссийски берий центре.
«Яхь хӀара шера дӀахьош я Россе дешара, Ӏилман Министерствос хьаллоацаш. «Йоккха перемена» - из яхь хинна Ӏац, шийна ховш дар маьхалдаккхара, керда таронаш лахара йола майда я из. Раянас ше хьагойтар, унахцӀена вахар леладара даькъ тӀа боккъонцахьа йола говзанча, хьалхале лелаер йолга. «УнахцӀена даар, унахцӀенача вахара» яхача оагӀонна чудоагӀаш, цо хьагойтар берашта, боккхийчарна юкъе унахцӀена даар лоаттадарца ювзаенна проект», - аьлар «Сердало» газетага ГӀалгӀайчен дешара, Ӏилман Министерствон зарбан болх лелабераша.
Тхога хоам баьчо яхачох, дешархочо гойтар ше балхах дика кхеташ а ше морг кхы йоацаш а хилар, цо дика юкъейоалайир интерактивни, дешара таронаш.
Цун толам баккха таро хилар дика къахьегарах, дуне дикагӀа дергдола кхоллама болх дӀабахьа ловш хиларах.
