Вай мехкара дешархо дикка белгалъяьлар Ерригача Россе яхьашка
Шолжа-Шахьарерча № 7 йолча ишкола 9-ча класса дешархо Хьоашаланаькъан Малика дикка белгалъяьлар «Сийлахь-боккхача Даьймехка тӀема турпалаш» яхача ерригача Россе шер-шера хулача литературни яхьашка.
«ХӀара дезала юкъе ший турпал ва» яха сочинени язйир Маликас. Боккхача тӀема юкъе вай даьша гойтача майралах, деналах довзийта аьттув баьлар цун, дукха хӀама юкъелоацаш», - дийцар «Сердалога» цу оагӀонцарча министерствон болхлоша. Сертификат, диплом денна белгалйир вай мехкахо. Сийлахь-боккхача Даьймехка тӀема истори дийна лоаттадара, кхувш латтача тӀехьенна довзийтара тӀехьа дӀахьош я уж яхьаш.
Хьоашаланаькъан Маликас баьккхача толамо хьагойт, вай мехкарча дезалашта юкъе тӀема истори довзаш, лоархӀаш долга. Тахан хьехархоша, цӀагӀарча наха доаккхал деш котало я из. Теша лов, дӀахойодача хана а Малика толамаш дахарца белгала хургхиларах.
