ГӀалгӀайчен дешархочо халкъашта юкъерча яхье котало яьккхар
21.11.2024 10:45
ГӀалгӀайчен дешархочо, халкъашта юкъерча вӀашагӀъийнача латарах дӀахьош хиннача яхьашка, котало яьккхар, яхаш, дийцар «Сердало» газетага «Хьалхарчар болама» моттигерча даькъе.
«ГӀалгӀайчен вӀашагӀъийнача латара ишколе Ӏомалуш вола Досхой Ахьмад 14-15 шу даьннарашта юкъе дӀахьош йолча яхьашка дакъа лоацаш вар. Ше дика кийчо яь хилар гойтарал совгӀа, цо къахьегамца толам боаккхаш ше хилар а хьагойтар.
Из дешаш ва Инаркъерча №23 йолча юкъерча ишколе», - аьлар тхога ер хоам баьчо.
Ишкола кулгалхоша, классе багӀараша даькъалавувц Ахьмад цу коталонца. Спорте санна вахаре а иштта аьттув боалаш хилва из, аьлар цар.
