Магасера дешархо котваьлар, Ерригроссийски къонача ахархой яхье
Республикански берий технопарке Ӏомалуш вола Матенаькъан Ӏадрахьман котваьлар К. А. Тимирязева цӀерагӀча къонача ахархой Ерригроссийски яхье, яхаш, дийцар «Сердало» газетага цу дешара моттиге.
«Хьалхара моттиг яьккхар цо «Автоматика юкъейоалаеш йолча баьцовгӀашта хий тохарах, из чудоагIар «Хьаькъале боахам, ситиферма лелаяр, инженери, автоматизаци, робототехника» яхача даькъа.
Кӏаьнк Ӏомалуш хилар IT-технологи лелаяра оагӀув хьакхоллача, цо лаьтта тӀаьда лоаттаду, сердал а овлашта нийса хий тохара йола таронаш а лу. Цу тайпара хьалаш хьакхолл, хьувкъам лакха а цунга дӀадодар кӀезигагӀа а хилийтара», - аьлар хоамо.
«Кванториум» технопарка берригача хьехархоша даькъалавувц Ӏадрахьман цу коталонца, дӀахо кхы а доккхагӀа дола толамаш цо дахар ловш долча дешашца.
