Наха низ барах, дийцар Берда-Юртарча дешархошта
Наха низ тӀалоаттабарах долча зуламах дийцар берашта. Берда-Юртарча культуран цӀагӀа. ДӀа-хьа къамаьл деш, тахан къувлаш дола хаттараш доашхаш дӀадихьар из вӀашагӀакхетар. «Сердалога» из хоам бир Шолжа кхален администраце.
«Берашка дийцар из зулам мел чӀоагӀа наьха вахар толхадеш, сага сакхетам тувлабеш да. Машар лорабара, массахана беркатеча хӀаман тӀехьа къахьегаш, хоза, сийрда вахар кхоллара тӀахьийхар бераш боккхийчар», - дийцар тха газетага.
«Таханара ха, дагадоацача хана хувцалуш, чоалхане я, цудухьа массахана дикача хӀаман тӀакхувш, зуламедар юхатохаш, воча, тувлбеннача нахага ла ца дувгӀаш, бартаца волаш дӀаваха веза хӀара саг. ХӀара денна гу вайна, кхувш латтараша хьалхьедеш дола къамаш къестадара гӀулакхаш, из во хаьдда дӀадаккхара тӀехьа къахьегаш хила деза вай!» - белгалдир культуран цӀагӀа.
