ГӀалгӀай къаман
юкъара газет

Наькъашка лелара бокъонех, дийцар вай дешархошта

Наькъашкара бокъонаш лораярах, дийцар къаман библиотеке дӀайихьача кхетаче, Шолжа-Шахьарерча №2 йолча ишкола дешархошца. Наькъашка нийслуш дола хатараш ма хулла кӀезигагӀа хилийтара тӀехьа, дӀахьош болх ба из.

«Библиотекерча болхлоша берашта хьалхадаьккхар, наькъашкара бокъонаш йовзаш, лораеш хилар мел лоархӀаме да, наькъал дехьа е сехьа воалача хана фийла хила везилга. Цу бокъонех дувцаш дола книжкаш довзийтар цар берашта, дешархой мел хинна хаттараш доашхаш, болх дӀабихьар. Хьалкхувш латтача тӀехьенна хьалхадаьккхар, наькъашка лелара бокъонаш лораеш воацача сага ший вахар санна гонахьарча наьха вахар а кхерамеча хьале оттаделга», - дийцар «Сердало» газетага библиотекан зарбан болх лелабераша.

Иштта йолча кхетаченаша берашта боккха пайда бу, аьнна, дог тийша ба библиотекан болхлой. Наькъашка берашцара хатараш цахилийтара тӀехьа, болх дӀакхахьар тахан керттерча гӀулакхех да ала доагӀа.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде