«Йиззача оазаца вахар» яха документальни кино гойтар дешархошта
Къилбаседа Кавказерча культураца дувзаденнарех йолча Президентски ганза, РФ Президента массазарча Къилбаседа Кавказерча викала аппарата хьаллоацаш вӀашагӀделла «Йиззача оазаца вахар» яха документальни кино гойтаргда мехкарча дешархошта. Из хоам «Сердалога» бир дешареи Ӏилмани гӀулакхех йолча министерстве.
«Кинос бувц, мел йоккха халонаш духьала нийсъеннаяле а, боха ца бохаш, майрал- денал гойташ, шоай Даьхе езаш хьавоагӀача пхе турпалхочох»,- йоах тхогарча хоамо. Кино шозза гойтар: 10 сахьат даьлча, 12 сахьат даьлча. 500 совгӀа дешархо вар цунга хьажа гулвеннар. Иштта дешархой кхетаче хилар из проект вӀашагӀъелларашца.
МоллагӀа хаттар тахка, кино даккхара никъ дикка бовза аьттув хилар цар. Тахан ураотташ латтача къонача тӀехьенна хьаэца масал долаш кино дар берашта гойтар.
