Цу тайпара шоай кхетаченаш йолаш, цар берашта дикагӀа довзийт дешара моттигашка хургболча балхаца дувзаденнар, цар таро я дӀахо деша отташ, шоашта бакъахьа хета болх харжа, яхаш, дийцар «Сердало» газетага из болх вӀашагӀбеллараша.

Ший болх Дикажанаькъан Розас хетабир деша оттачарна, шоаш беча балха, хургбола говзанчаш кийчбара, дешара.

Цул совгӀа, цо берашта хьалхадаьккхар, Мехкашта юкъерча тахан латтача ханашка кулгалдара йолча колледже отташ хилча малагӀа каьхаташ деза.

Системни администратора, Хьаштаранаькъан Мухьмада 9-11 класса дешархошта довзийтар «Информационни система, программироване» оагӀорахьа де дезараш. Цига берашта дуккхадараш хьалхара хозаш а дар, иштта царна дайзар программированеца дувзаденна балхаш. Идриса Мухьмада иштта довзийтар компьютерни системанна Ӏалашо яра кердадараш, лоархӀаш йола техника таханарча хьалашка лелаяра болх.

Лакхара дешар дийшача аптекан болхлочо Хьаьшанаькъан Аьсета даьча къамаьла юкъера, дешархоша хьаийцар, дарбане молхаш дика мишта хул»,-аьлар хоам баьчо.

Кхетаче чакхйоалаш, Дикажанаькъан Розас гимназе кулгалхочунна Дибаранаькъан Заремайна, «Дешархошта дика кхетам баларах» яха грамота елар.