ТӀема турпалех дийцар дешархошта
08.09.2023 12:13
«Бородинора тӀом» яха сайре дӀайихьар дешархошца Доалакоарча культуран цӀагӀа. 1812-ча шера Наполеон вохавеш, яьккхача коталонах дийцар берашка.
«Укх шера 211 шу доал Россе, Наполеона духьала латаш, котало яьккха. 1812-ча шера лаьттача тӀема деноех лаьца, дукха исторецара хӀамаш дайзар берашта. Эрсий, французий тӀема кулгалхой байзар. Сардаланаькъан Раисас дийцар царна, мишта хьоабаь, малагӀча тайпара коталонга кхаьча тӀом хиннаб из. Цу ханара тӀема турпалхой: Кутузов М. И., Багратион П. И, Барклай-де-Толли М. Б. — байзар берашта. Иштта йолча кхетаченаша Россе цӀихеза турпалхой бовзийт кхувш латтарашта», — дийцар тхога культуран цӀагӀа.
