Гӏалгӏайчен дешархошта дувц, кхааш ийдарах хьадоалача зуламех
24.10.2025 09:30
Кердача Редантерча культуран Цӏагӏа хилар «Из хӏаранена довза деза» яха хоамий сахьат. Из дӏахьош хилара керттера бахьан дар, хӏара дешархочунна, культуран Цӏагӏа ӏомалуш волчунна кхааш ийдарах хьадоалаш дола зуламаш мел доккха да дӏадовзийтар.
«Из кхетаче вӏашагӏъеллар доакъашхоша, шоайла къамаьл деш йолча кепара. Цига дийцар кхааш ийдарах, цох хьадоалача зуламех», - аьлар «Сердало» газетага культуран Цӏен кулгалхочо Хоаной Марета.
Кхетаче чакхйоалаш, хьежар «Бумеранг» яхача документальни фильмага, цига къаьгга гуш дар кхааш ийдарца дувзаденна хьал юкъарлонна ӏаткъаш хилар. Фильм хилар дийца къамаьл чӏоагӏдеш.
