Долакоарча дешархошта дийцар, наркотикех доалача зуламах
МагӀалбика кхален Долакоарча культуран цӀагӀа дӀабихьар «Фу де деза, цӀенъюкъе бала бале» яхача темах, наркотикех доала зулам дешархошта хьалхадоаккхаш бола болх дӀабихьар цига, яхаш, хоам тхоца къамаьл даьча цигарча администраце зарбан болх лелабераша.
Берашта дийцар наркотикех доккха зулам доалаш хилар, из цар могашала, хьаь таронашта Ӏаткъаш хилар. Иштта дешархошта довзийтар, из зулам юстардаккхара де дезар фуд.
«Говзанчаша дийцар кагирхошта, цу зулама духьалъовтта цар йолча бокъонех. ЛоархӀаме хоам байзар дешархошта, дӀахо а цу зуламца къовсам лоаттабара, ший ханнахьа из юхатохара де дезар белгалдир.
Къаьстта теркам тӀабахийтар, кагирхой дика оамалаш дегӀакхувлара, юкъера во доаржадеш бола никъ дӀабаккхара. Царна дайзар могашал лораеш хилара тӀехьа де дезар, воча хӀамах лоралуш, хьалхарча аргӀагӀа ха дезар. Из болх вӀашагӀбеллараша лоархӀ, берий бехктокхам лакхбара, цар шоай могашал лораяра цу тайпара кхетаченаш эшаш я», - аьлар хоамо.
