Сигален турпал хиннача ӏоахарганаькъан Чхьагӏа Рашид-Беках, дийцар Дола-Коарча дешархошта
Цӏихеза лётчик хиннача ӏоахарганаькъан Чхьагӏа Рашид-Беках дийцар, Дола-Коарча культуран Цӏагӏа берашца дӏайихьача кхетаче. Дунен Хьалхарча, Шоллагӏча тӏемашта юкъе дакъа лоацаш хиннача, Къилбаседа Кавказе авиацеца эггара хьалха белгалваьнна волча турпала никъ байзар дешархошта «Сигален турпал: ӏоахарганаькъан Чхьагӏа Рашид-Бека вахара никъ» яхача кхетаченга гӏолла.
«Алерой Шамхан вар кхетачен хьалхаэттар. Мехка исторе санна, ерригача Россе исторе белгалваьнна саг хиннав Рашид-Бек. Берашта дийцар, ший декхараш тӏехдика кхоачашдеш, ше хержа никъ лакха лоархӏаш, дег чура безаш цӏихезача лётчика кхоачашдаьрех. Алерой Шамхана белгалдир, ӏоахарганаькъан Рашид-Бек тахан кхувш латтараша масал эца мегаргдолаш деналах, майралах визза саг хиннилга. Иштта болча наьха цӏераш вай йицъе бокъо яц; цар истори, вахара никъ тӏехьен бовзаш хила беза», - дийцар «Сердалога» цу моттигера.
«Къилбаседа Кавказера эггара хьалхара лётчик - ӏоахарганаькъан Рашид-Бек» яха гойтам кийчбаьбар библиотека болхлоша.
Летчика сурташ, цох лаьца яздаь архивера каьхаташ дар цига. Лётчик волаш турпала кхоачашде аьттув баьннараш дайзар берашта цу гойтаме. Белгалде деза, иштта йола кхетаченаш къонача тӏехьенца дӏакхахьар боккха пайда боаржабеш долга.
