Буро кӀалхарча ишкола дешархошта дийцар волонтёрий балхах
ЛоӀамхой тароний центра болхлоша Буро кӀалхарча ишкола дешархошта дийцар волонтерий балхах, яхаш, хоам бу «Сердало» газетага из кхетаче вӀашагӀъеллараша.
«Кагирхой политикан викалий кхетаче хилар №1 йолча Заьзганаькъан И. Б. цӀерагӀча ишколерча берашца. Из вӀашагӀъеллаяр, дешара балха чуйоагӀаш. Юкъарлон болхлоша из дӀаяхьар бахьан дар, кхувш йоагӀача тӀехьенна лоӀамхой гӏулакха маӀан довзийтар, цу даькъ тӀа хила ловш бараш совбахар.
ЛоӀамхой дуне довзийтачул тӀехьагӀа, дешархой раьза хилар цунна юкъебала, шоай кхоллама таронаш йоаржае, проекташ оттае», - аьлар хоамо.
Кагирхоша Цӏечой Исроапила, Гойганаькъан Дале шоай къамаьл хетадир волонтёрий гӏулакхацарча лоархӏамедарашта, вахара экологен, денала оагӏонна, из болх берашта хьалха латтача керттерча декхарашта. Бераша дукха хаттараш делар, иштта дакъа лаьцар волонтёрий болх бувцача къамаьла юкъе.
