Лаьттан Ди дездеш, кхетаче вӀашагӀъеллар Оалкамарча дешархоша
25.04.2025 10:30
Лаьттан Денна хетаяь кхетаче дӀайихьар Оалкамарча дешархоша. Из хоам «Сердалога» бир цу моттигера.
«Оалкамарча СОШ-ДС кулгалхочун гӀонча йолча Хамхой Маккас берашца болх дӀабихьар. Лакха начӀал гойташ, гонахьара Ӏалам мел чӀоагӀа лораде, лерхӀам бе безаш да хьекхар бераша гулбеннарашта», - дийцар тха газетага.
Цу кхетаче дакъа лоацаш бар Халкъа гуллама депутат Дарсиганаькъан Мухьмад, «Бералла наькъаш» яхача проекта тӀахьожаш вола Колой СаӀид, проекта доакъашхо Евкуранаькъан Расул, гӀо деш леларий оагӀон болхло Хьулахой Ахьмад.
